शशिकांत म्हमाने अहिंसा आदर्श शिक्षक पुरस्काराने सन्मानित*          अहिंसा पतसंस्थेचा विश्व हिंदी दिना निमित्त आगळा वेगळा उपक्रम 

     अहिंसा पतसंस्थेच्या वतीने दरवर्षी अहिंसाआदर्श शिक्षक पुरस्काराने शिक्षकास सन्मानित करण्यात येते. यावर्षी श्री सिद्धनाथ हायस्कूलचे शिक्षक श्री शशिकांत म्हमाने यांना जाहीर करण्यात आला होता.

   १० जानेवारी विश्व हिंदी दिन साजरा करण्यात येतो. त्या दिवशीच हिंदी विभागात विशेष योगदान असणारे शिक्षक  शशिकांत म्हमाने यांना सातारा जिल्हा शिक्षक बँकेचे व्हा. चेअरमन विजयराव बनसोडे यांच्या हस्ते देऊन सन्मानित करून विश्व हिंदी दिनआगळा वेगळा स्वरूपात साजरा करण्यात आला.

   यावेळी  जिल्हा बँकेचे व्हा. चेअरमन विजयराव बनसोडे,पुरस्कार प्राप्त शिक्षक शशिकांत म्हमाने, संस्थेचे चेअरमन व माजी नगराध्यक्ष नितिनभाई दोशी, सिद्धनाथ हायस्कूलचे व जुनिअर कॉलेजचे प्राचार्य दासरे सर, विठ्ठल सजगाने, संतोष देशमुख उपस्थित होते.

  शशिकांत म्हमाने यांना शाल, सन्मानचिन्ह, रोख रक्कम व भेटवस्तू देऊन जिल्हा शिक्षक बँकेचे व्हा. चेअरमन विजयराव बनसोडे यांचे हस्ते अहिंसा आदर्श शिक्षक पुरस्काराने सन्मानित करण्यात आले.

   यावेळी बोलताना विठ्ठल सजगाने  म्हणाले समाजातील चांगल्या कामाचा अहिंसा पतसंस्थेकडून नेहमीच गौरव करण्यात येतो. श्री म्हमाने यांचे हिंदी विषयातील योगदान व विद्यार्थ्यां प्रती असणारी धडपड पाहून अहिंसा पुरस्काराने ते आज सन्मानित झाले आहेत..  शिक्षक हा भावी पिढी घडवत असतो. त्यामुळे शिक्षकांनी फार जबाबदारीने वागले पाहिजे आपण कसे वागतो हे समाज व विद्यार्थी पाहत असतात. त्यामुळे शिक्षकांवर खूप मोठी जबाबदारी आहे.

             सिद्धनाथ हायस्कूल व ज्युनिअर  कॉलेजचे प्राचार्य श्री. दासरे सर म्हणाले शशिकांत म्हमाने यांना आदर्श शिक्षक पुरस्कार देऊन अहिंसा पतसंस्थेने आमच्या सिद्धनाथ हायस्कूलचा सन्मान केला आहे. म्हमाने सर हे विद्यार्थी प्रिय शिक्षक असून त्यांचे नेहमी नाविन्य पूर्व उपक्रम सुरू असतात.हिंदी विषयाच्या अध्यापकाचा हिंदी दिना दिवशी अहिंसा आदर्श शिक्षक पुरस्कार मिळत आहे हा अतिशय चांगला योगायोग आहे.

        अहिंसा पतसंस्थेचे चेअरमन व माजी नगराध्यक्ष नितिनभाई दोशी आपल्या भाषणात म्हणाले अहिंसा पतसंस्थेच्या संचालक मंडळांनी श्री. म्हमाने सरांचे शैक्षणिक क्षेत्रातील उल्लेखनीय कार्य पाहून त्यांनाअहिंसा आदर्श शिक्षक पुरस्कार देण्याचा निर्णय घेतला.श्री. म्हमाने सर हे विद्यार्थी व आपली शाळा यास केंद्रबिंदू मानून काम करणारे शिक्षक आहे.जिल्हा हिंदी अध्यापक मंडळावर ते कार्यरत आहेत .सिद्धनाथ हायस्कूल मध्ये हिंदी राष्ट्रभाषा परीक्षेस दरवर्षी उच्चांकी विद्यार्थी बसवण्याचा त्यांचा प्रयत्न असतो. विश्व हिंदी दिनानिमित्त एका हिंदी विषय शिकवणाऱ्या शिक्षकास हा पुरस्कार देताना खूप आनंद होत आहे.

       सातारा जिल्हा शिक्षक बँकेचे व्हा. चेअरमन विजयराव बनसोडे यावेळी म्हणालेअहिंसा पतसंस्था नेहमीच गुणवंतांच्या कौतुकासाठी उभी असते श्री म्हमाने सरांच्या आदर्श शिक्षक म्हणून पुरस्कार देताना मलाही शिक्षक म्हणून अभिमान आहे. त्यांच्याकडून यापुढेही असेच कार्य घडत राहो यासाठी जिल्हा शिक्षक बँकेच्या वतीने शुभेच्छा देत आहे.

   अहिंसा आदर्श शिक्षक पुरस्कार प्राप्त शिक्षक श्री शशिकांत म्हमाने सर आपल्या मनोगतात म्हणाले अहिंसा पतसंस्थेने पुरस्कारासाठी निवड करून सत्कार केला तो माझ्या जीवनातील सुवर्ण क्षण असून या पुरस्काराने मी कृतार्थ झालो आहे.   एक हिंदी शिकवणाऱ्या शिक्षकाला विश्व हिंदी दिना निमित्त आदर्श शिक्षक पुरस्कार मिळत असल्याने माझ्या शैक्षणिक क्षेत्रात विशेषतः हिंदी विभागात कार्य करण्यास प्रेरणा मिळणार आहे . शिक्षण क्षेत्रात कार्य करण्यास या पुरस्काराने ऊर्जा मिळाली जे जे चांगले विद्यार्थ्यांसाठी करता येईल ते ते मी करण्यास भावी काळात कटिबद्ध राहणार आहे.

   यावेळी संस्थेचे संचालक महावीर होरा, विजय बनगर, बाळासाहेब सरतापे, व्यवस्थापक दीपक मासाळ, अजित गांधी सौ. राणी डोंगरे यांचे सह अहिंसा परिवारातील सदस्य व ग्रामस्थ उपस्थित होते. सूत्र संचालन श्री अक्षय धट यांनी केले आभार निरज व्होरा यांनी मानले.