विद्यार्थ्यांनी विविध स्पर्धा परीक्षेत यश मिळवलेल्या यशवंत लोकांचा आदर्श घ्यावा :सूर्यकांत विरकर

        नुकताच    विरकरवाडी जि.प.शाळेतील निराधार, अनाथ विद्यार्थ्यांना हुतात्मा किसन विरकर अनाथ मंडळ मुंबई यांच्या कडून शैक्षणिक साहित्य वाटप करण्यात आले.अनाथांचे नाथ श्री.हिरा राखुंडे सर यांच्या मार्गदर्शनाखाली अनाथ मुलांना शैक्षणिक साहित्य वाटप दरवर्षी करण्यात येते.आज माजी मुख्याध्यापक श्री सुर्यकांत विरकर‌ सर.व मान्यवरांच्या हस्ते साहित्य वाटप करण्यात आले. मुख्याध्यापक सुशील त्रिगुणे सर आणि सर्व  शिक्षक वर्ग,पालक,विद्यार्थी याप्रसंगी उपस्थित होते..विरकर सर यांनी पालकांना  आणि विद्यार्थींना मार्गदर्शन केले.

   यावेळी क्रीडा एन आई एस कोच आबा विरकर,कोच ऋषिकेश जगताप,राष्ट्रीय खेळाडू ऋषिकेश बगाडे यांनी मुलांना क्रीडा स्पर्धेत यश मिळण्यासाठी मार्गदर्शन केले,.मुलांकडून प्रात्यक्षिक करून घेतले. यावेळी आदर्श शिक्षिका प्रमिला इंगवले यांचा सत्कार करण्यात आला. या कार्यक्रमाला शाळा व्यवस्थापन समिती अध्यक्ष समीनदर विरकर,उपमुख्याध्यापक अनिता तोरणे, सदस्य नितीन लोखंडे, सुप्रिया चव्हाण,वैशाली विरकर,लक्ष्मी विरकर, यासह सर्व शिक्षक पालक उपस्थित होते.