म्हसवड पोलिसांची कामगिरी; पाणबुडी मोटार चोरीचा पर्दाफाश, तीन बालकांना ताब्यात
व्हिजन २४ तास न्यूज
म्हसवड :प्रतिनिधी
म्हसवड शहरातील भाटकी रोड परिसरात सुरू असलेल्या नवीन हॉस्पिटलच्या बांधकामाच्या ठिकाणाहून पाणबुडी मोटारी चोरीला गेल्याच्या घटनेचा म्हसवड पोलिसांनी छडा लावला आहे. गोपनीय माहितीच्या आधारे तपासाची चक्रे वेगाने फिरवत पोलिसांनी या प्रकरणात तीन विधिसंघर्षग्रस्त बालकांना ताब्यात घेतले असून, त्यांच्याकडून दोन पाणबुडी मोटारी जप्त केल्या आहेत. म्हसवड पोलिसांच्या या कारवाईमुळे चोरीच्या गुन्ह्याचा उलगडा झाला आहे.
म्हसवड पोलीस स्टेशनने दिलेल्या माहितीनुसार, दिनांक २३ सप्टेंबर २०२६ ते २४ सप्टेंबर २०२६ या कालावधीत म्हसवड, ता. माण, जि. सातारा येथील भाटकी रोड परिसरात नवीन हॉस्पिटलचे बांधकाम सुरू होते. या बांधकामाच्या ठिकाणी डॉ. राजेंद्र रतनचंद मोडासे, रा. म्हसवड यांच्या मालकीच्या टेक्सिमो कंपनीच्या पाणबुडी मोटारी ठेवण्यात आल्या होत्या. मात्र, या कालावधीत अज्ञात व्यक्तीने सदर मोटारी चोरून नेल्या.
या घटनेमुळे बांधकामस्थळावरील साहित्याच्या सुरक्षिततेचा प्रश्न निर्माण झाला होता. चोरीची घटना लक्षात आल्यानंतर डॉ. मोडासे यांनी म्हसवड पोलीस स्टेशनमध्ये तक्रार दाखल केली. त्यानंतर पोलिसांनी या प्रकरणाचा तपास सुरू केला.
पाणबुडी मोटारी चोरीला गेल्याच्या घटनेचे गांभीर्य लक्षात घेऊन म्हसवड पोलिसांनी कसून तपास सुरू केला. चोरीसंदर्भातील माहिती संकलित करत असताना पोलिसांना गोपनीय माहिती मिळाली. या माहितीच्या आधारे तपासाची दिशा निश्चित करण्यात आली.
पोलिसांनी केलेल्या तपासानंतर या चोरीच्या प्रकरणात तीन विधिसंघर्षग्रस्त बालकांना ताब्यात घेण्यात आले. त्यांच्याकडून चोरीला गेलेल्या दोन पाणबुडी मोटारी जप्त करण्यात आल्या आहेत. त्यामुळे चोरीच्या प्रकरणाचा उलगडा करण्यात म्हसवड पोलिसांना यश आले आहे.
ही कारवाई सातारा जिल्ह्याचे पोलीस अधीक्षक निखिल पिंगळे, अपर पोलीस अधीक्षक वैशाली कडुकर आणि दहिवडी विभागाचे उपविभागीय पोलीस अधिकारी रणजित सावंत यांच्या मार्गदर्शनाखाली करण्यात आली.
म्हसवड पोलीस ठाण्याचे प्रभारी अधिकारी संदीप पोमण यांच्या नेतृत्वाखाली पोलीस अंमलदार राजेंद्र कुंभार, नवनाथ शिरकुळे आणि अनिल वाघमोडे यांनी या कारवाईत सहभाग घेतला.
