म्हसवडमध्ये इंजि. सुनील पोरे यांचा वाढदिवस जल्लोषात साजरा; रक्तदान शिबिराने ठरला आदर्श प्रेरणादायी

व्हिजन २४ तास न्यूज (संपादक :अहमद मुल्ला
म्हसवड : प्रतिनिधी
सामाजिक, शैक्षणिक, आणि धार्मिक क्षेत्रात आपल्या निःस्वार्थ सेवाकार्याने विशेष स्थान निर्माण करणारे इंजि. सुनील पोरे यांनी आपला 63 वा जन्मदिन मोठ्या उत्साहात साजरा केला.या निमित्ताने म्हसवड येथे भव्य रक्तदान व अन्नदानाचे आयोजन करण्यात आले होते,या वेळी 121 रक्तदात्यांनी रक्तदान करून जन्मदिनाच्या शुभेच्छा दिल्या

या वाढदिवसाच्या निमित्ताने माण विधानसभा मतदारसंघाचे पाणीदार आ. जयकुमार गोरे यांची प्रमुख उपस्थिती लाभली. त्यांनी इंजि. सुनील पोरे यांना केक कापून शुभेच्छा दिल्या आणि त्यांच्या कार्याचे मनःपूर्वक कौतुक केले.

रक्तदान शिबीर 

जनश्री फाउंडेशनचे संस्थापक असलेल्या इंजि.सुनील पोरे यांनी गेल्या अनेक वर्षांपासून सामाजिक सेवेत महत्त्वपूर्ण योगदान दिले आहे. रक्तदान शिबिरे, गोरगरीबांना आर्थिक सहकार्य, कोरोनाकाळात पीडितांना मदत, ना नफा ना तोटा तत्त्वावर अँब्युलन्स सेवा, वारकरी संत मंडळींचा सन्मान, आणि स्वच्छ पाण्याच्या मागणीसाठी संघर्ष तर रखडलेल्या रस्त्यासाठी उपोषण अशा विविध उपक्रमांमुळे ते जनतेच्या हृदयात विशेष स्थान मिळवून आहेत.

यावेळी विविध मान्यवरांनी त्यांना शुभेच्छा देत त्यांच्या कार्याची प्रशंसा केली. शुभम ग्रुप ऑफ बिझनेस आणि नामदेव समाजोन्नती परिषद यामार्फत त्यांनी केलेल्या कार्याने सामाजिक परिवर्तनाचा आदर्श घालून दिला आहे.

आमदार जयकुमार गोरे यांच्या सहकार्याने, इंजि. पोरे यांनी म्हसवड शहराच्या विकासासाठी सतत प्रयत्न केले आहेत. या जन्मदिन सोहळ्याने त्यांच्या कार्याची साक्ष देत असंख्य जातीजमातीतील जनमाणसाच्या शुभेच्छांच्या वर्षावाने उत्साहपूर्ण वातावरण निर्माण केले होते

 
दरम्यान इंजि. सुनील पोरे यांचे कर्तुत्व,नेतृत्व, दातृत्व मोठं आहे.त्यांना प्रशासकीय सेवेचा प्रदिर्घ अनुभव आहे. त्यांनी नेहमीच म्हसवड शहराच्या सर्वांगीण विकासाचं स्वप्न पाहिले आहे.
म्हसवड शहरवासीयांना विश्वास आहे की, अशा निस्वार्थी आणि दूरदर्शी नेतृत्वास अधिक मोठ्या प्रमाणावर काम करण्याची संधी मिळायला हवी. त्यांची स्वप्ने म्हणजे शहराच्या सर्वांगीण विकासाचे प्रतिबिंब असून, त्यासाठी त्यांना भविष्यात नेतृत्वाची संधी दिल्यास शहराचा कायापालट होईल, अशी भावना व्यक्त करण्यात येत आहे.