आपली हक्काने काम करीत असलेले उमेदवारांना मतदान करा,गावांच्या विकासासाठी दमडीही न देणाऱ्या उमेदवारांना मतदान करू नका – आदिती तटकरे

व्हिजन २४ तास न्यूज (संपादक :अहमद मुल्ला )
म्हसळा – सुशील यादव

   खासदार सुनिल तटकरे तटकरे यांचा उमेदवारी अर्ज दाखल करताच मंत्री आदिती तटकरे यांचा म्हसळा तालुका प्रचार दौरा सुरु,गावागावात उस्फुर्त प्रतिसाद मिळत वाढता पाठिंबा.

        ३२- रायगड लोकसभा महायुतीचे उमेदवार सुनिल तटकरे यांनी दिनांक १८ एप्रिल २०२४ रोजी उमेदवारी अर्ज दाखल करताच महाराष्ट्र राज्याच्या महिला व बालविकास मंत्री आदिती तटकरे यांनी त्यांच्या हक्काचे श्रीवर्धन मतदार संघात गाव बैठका घेऊन निवडणुकीच्या प्रचाराला जोरदार सुरुवात केली आहे.

       या वेळी आदिती तटकरे यांनी मतदार संघातील बंधु भगिनीना मतदान करण्याचे आवाहन करतांना आपली हक्काची काम करीत असलेले उमेदवार खासदार सुनिल तटकरे यांना पुन्हा खासदार पदी निवडून आणण्यासाठी मतदान करा,गावांच्या विकासासाठी दमडीही न देणाऱ्या विरोधी पक्षांचे उमेदवारांना मतदान करू नका असे आवर्जुन सांगितले.या वेळी त्यांनी ग्रामस्थांना निदर्शनात आणुन देताना ५ वर्षांनी निवडणूक काळावधीत आघाडीचे उमेदवार माजी खासदार अनंत गीते आपल्या गावात आता फक्त प्रचारासाठी येतील आणि मत मागतील त्यांच्या खोट्या प्रचाराला किंवा प्रलोभनाला भुलून न जाता आपले हक्काचे विकास कामे करणारे उमेदवार सुनिल तटकरे यांना भरघोस मतांनी विजयी करण्याचे आवाहन केले.

         म्हसळा पंचायत समिती वरवठणे गणातील सकलप,तोंडसुरे,जंगमवाडी,सालविडे,वरवठवणे, आगरवाडा आदी १० गावांतील वाडीवस्तीत गाव बैठका घेऊन सन २००९ पासुन खासदार सुनिल तटकरे, आमदर अनिकेत तटकरे आणि मंत्री म्हणुन स्वतः केलेल्या विकास कामांची माहिती करून दिली. या वेळी प्रचारा दरम्यान गाव बैठकीत गावागावात ग्रामस्थांचा उस्फुर्त प्रतिसाद मिळत खासदार सुनिल तटकरे यांना वाढता पाठिंबा देत आम्ही फक्त सुनिल तटकरे यांनाच मतदान करणार असल्याची ग्वाही दिली.

प्रचार दौऱ्यात जिल्हा चिटणीस महादेव पाटील, तालुका अध्यक्ष समीर बनकर, माजी सभापती बबन मनवे,मधुकर गायकर शिवसेना तालुका प्रमुख प्रसाद बोर्ले,जेष्ठ नेते अंकुश खडस,सरपंच वनिता खोत,महीला अध्यक्षा मिना टिंगरे,मतदार संघाच्या अध्यक्षा सोनल घोले,जिल्हा चिटणीस रेश्मा काणसे,किरण पालांडे,शेखर खोत, पांडूरंग मेंदाडकर, हरी नाक्ती,सेना उपतालुका प्रमुख उमेश पदरत,महेश घोले,स्वप्नील चांदोरकर, सरपंच सुरेश महाडीक, गणअध्यक्ष सतिश शिगवण, सरपंच किरण मोरे, नामदेव घुमकर, लक्ष्मण कांबळे,सभी पवार गुरुजी,समिर काळोखे, प्रकाश गानेकर,सुधाकर जंगम, गजानन जंगम, दिपेश जाधव,मनसे शहर अध्यक्ष राहुल काते,सुशांत खोपकर आदी मान्यवर पदाधिकारी मोठ्या संख्येने उपस्थित होते.