यात्रा कालावधीतील म्हसवड शहरातील वाहतुकीत बदल करण्यात आले असून, या नियमांचे उल्लंघन केल्यास संबंधित वाहन व चालकांवर कायदेशीर कारवाई केली जाणार :.सपोनि भुजबळ

                    म्हसवड  पोलीस ठाणे हद्दीत श्री सिद्धनाथ देवाची वार्षिक यात्रा माहे डिसेंबर महिन्यात ११ ते १५ डिसेंबर या कालावधीत संपन्न होत आहे महाराष्ट्रातून तसेच कर्नाटक आंध्र प्रदेश राज्यातून नमूद कालावधीत सुमारे चार ते पाच लाख भाविक येत असल्याने यात्रा कालावधीत म्हसवड शहर व परिसरात मोठ्या प्रमाणात भाविक एकत्र येत असतात तरी सदर कालावधीत कायदा व सुव्यवस्थेचा कोणताही प्रकारचा प्रश्न निर्माण होऊ न देता यात्रा शांततेत पार पडणे महत्त्वाचे असते याकरिता येणारे भाविक व त्यांच्या वाहनांकरिता रथ मिरवणूक मार्ग, शहर व यात्रा परिसरास जोडले गेलेल्या रस्त्यावरील वाहनांच्या वाहतुकीत बदल करण्यात आला असल्याची माहिती म्हसवड पोलिस ठाण्याचे सहायक पोलिस राजकुमार भूजबळ यांनी दिली