मलवडी येथील श्रीराम ज्वेलर्समध्ये ६५०००/- किमतीच्या दागिन्यांची चोरी

व्हिजन २४ तास न्यूज (संपादक :अहमद मुल्ला )
दहिवडी

दहिवडी पोलीस ठाण्याच्या हद्दीत घरफोडीचा गुन्हा दाखल झाला आहे. मौजे मलवडी, ता. माण, गावातील श्रीराम ज्वेलर्स या दुकानात चोरट्यांनी ६५,०००/- रुपयांचे सोन्या-चांदीचे दागिने लंपास केले.

दिनांक ४ डिसेंबर २०२४ रोजी रात्री ९:३० ते ५ डिसेंबर २०२४ सकाळी ६ वाजेच्या दरम्यान, मलवडी एसटी स्टँडजवळील श्रीराम ज्वेलर्सचे शटर व ग्रीलचे कुलूप तोडून दुकानात चोरी झाली.

चोरीस गेलेला माल:

१) सोन्याचे दागिने:झुमके (३ ग्रॅम)₹१८,०००/-
कानातील टॉप्स (३ ग्रॅम): ₹१८०००/-
बदाम १.५ ग्रॅम): ₹९०००/-, २) चांदीचे दागिने (५०० ग्रॅम):पैंजण, जोडवी, बीचव्या, कडली व वाळे: रु. २०,०००/-
या बाबतची फिर्याद नितीन गोपाळ गोरे (वय 40), व्यवसायाने ज्वेलर, राहणार बोराटवाडी, ता. माण, जि. सातारा, यांनी दहिवडी पोलीस ठाण्यात नोंदवली आहे.

चोरी प्रकरणी अज्ञात चोरट्यांविरुद्ध गुन्हा दाखल करण्यात आला असून, तपास सपोनि अक्षय सोनवणे यांच्या नेतृत्वाखाली सुरू आहे. तपासी अधिकारी स.पो.फौ. पी.जी. हांगे या प्रकरणाचा तपास करत आहेत.

दहिवडी पोलीस ठाणे नागरिकांना सतर्क राहण्याचे आवाहन करत असून कोणतीही महत्त्वाची माहिती असल्यास पोलिसांशी संपर्क साधण्याचे आवाहन करण्यात आले आहे