म्हसळा ग्राम दैवत श्री धावीरदेव महाराजांना शासकीय मानवंदनेची परंपरा निरंतर राहणार – सुनिल तटकरे

व्हिजन २४ तास न्यूज (संपादक :अहमद मुल्ला )

सुशील यादव

म्हसळा – रायगड
          भाविक भक्तांचे श्रद्धास्थान असलेल्या आणि मनोकामना पुर्ण करणाऱ्या म्हसळा ग्राम दैवत श्री धावीरदेव महाराज यांच्या यात्रोत्सवात या वर्षा पासुन देण्यात आलेली शासकिय मानवंदनाची परंपरा यावर्षा पुरती सिमित न रहाता कायम स्वरुपी राहणार असल्याचे खासदार सुनिल तटकरे यांनी मानवंदना कार्यक्रमाचे स्वागत कार्यक्रमाला मनोगत व्यक्त करताना सांगितले.

      श्री धावीर देव महाराजांचा मी निस्सीम भक्त आहे.ग्राम दैवत धावीर महाराजांना शासकीय मानवंदना मिळावी अशी म्हसळा ग्रामस्थ मंडळाची रास्त अपेक्षा होती.ही अपेक्षा चैत्र पौर्णिमेच्या यात्रोत्सवात ग्राम दैवतांच्या पालखी सोहळ्यातील सांगता समारंभात रायगड पोलिस दलातर्फे शासकीय मानवंदना देण्यात आली.या ऐतिहासिक आनंद सोहळ्याचा मी खासदार म्हणुन मानकरी ठरलो आहे.श्री धावीरदेव पालखी सोहळ्यात मंदिरा भोवती पालखीच्या पाच फेऱ्या मारण्याची प्रथा परंपरा बघण्यास मिळाली       

   यावेळी भाविक भक्तांचा उत्स्फूर्त प्रतिसाद आणि      मिळत असलेला आनंद द्विगुणित झाला असल्याचे पाहून मला समाधान झाले असल्याचे खासदार सुनिल तटकरे यांनी मनोगत व्यक्त करताना ग्रामस्थांना गाव दैवत धावीरदेव महाराजांचे कृपा आशीर्वाद लाभो.सर्वांना निरोगी आयुष्य,भरभराटी आणि सुख, समृध्दी आणि शांती लाभो श्री धावीर देवाला साकडे घातले.कार्यक्रमाचे आयोजक म्हसळा हिंदु ग्रामस्थ मंडळाने खासदार सुनिल तटकरे यांचा ग्रामदैवत प्रतिमा, शाल श्रीफळ पुष्पगुच्छ देऊन यथोचित सन्मान केला.

       या वेळी त्यांचे समावेत मंत्री अदिती तटकरे,  नगराध्यक्ष  संजय कर्णिक,  माजी सभापती महादेव पाटील,समीर बनकर,ग्रामस्थ मंडळ सदस्य आणि भाविक भक्त मोठ्या संख्येने उपस्थित होते.मान्यवरांचे स्वागत हिंदु ग्रामस्थ मंडळ अध्यक्ष नंदकुमार गोविलकर,सचिव सुशिल यादव, जेष्ठ समाजसेवक सुनिल उमरोटकर यांनी केले. सचिव सुशिल यादव यांनी आभार प्रदर्शन करताना खासदार सुनिल तटकरे यांच्या कामाच्या प्रयत्नात विशेष जादु आहे उशिर होऊनही त्यांच्या प्रयत्नाने आज म्हसळा ग्राम दैवत श्री धाविर देवाला आज यात्रोत्सवात शासकीय मानवंदना मिळाली हा दुग्धशर्करा योग आहे.इतिहासात नोंद होणारा हा क्षण कायम स्वरुपी लक्षात राहील. विकासाच्या माध्यमातुन जसे प्रेम खासदार सुनिल तटकरे यांनी म्हसळा वासियांवर केले आहे तसेच प्रेम म्हसळे कर त्यांना योग्य वेळी देतील अशी ग्वाही देत त्यांचे मनोभावे आभार मानले व धन्यवाद दिले.

        इतिहासात नोंद होणाऱ्या श्री धावीरदेव पालखी सोहळ्यात  ग्राम दैवताला  म्हसळा  पोलिस  ठाण्याचे सहाय्यक  पोलीस  निरीक्षक  पवन चौधरी   यांच्या नेतृत्वाखाली पोलिस पथकांनी शासकिय मानवंदना दिली.ग्राम दैवताला मानवंदना देते वेळी ग्रामस्थांचे वतीने पालखीचा मान श्री धावीर देवाचे मानकरी पुजारी म्हशिलकर परिवार यांना देण्यात आला होता.