महामार्गावर सापळा रचून तळबीड पोलिसांची धडक कारवाई; तासवडे फाट्यावर विदेशी दारूसह युवक ताब्यात

व्हिजन २४ तास न्यूज संपादक अहमद मुल्ला

श्रीकांत जाधव तासवडे

        उंब्रज–कराड राष्ट्रीय महामार्गावर बेकायदा दारू वाहतुकीला आळा घालण्यासाठी तळबीड पोलिसांनी गुरुवारी दि. 19 फेब्रुवारी 2026 दुपारी सुमारे 3 वाजण्याच्या सुमारास तासवडे गावाच्या फाट्यावर सापळा रचत धडक कारवाई केली. महामार्गावरून संशयित हालचाली करणाऱ्या दुचाकीची तपासणी केली असता मोठ्या प्रमाणात विदेशी दारूचा साठा आढळून आला.

या कारवाईत एका युवकाला ताब्यात घेण्यात आले असून, दारूचा साठा व वाहन असा मुद्देमाल जप्त करण्यात आला आहे. वाढत्या बेकायदा दारू वाहतुकीच्या पार्श्वभूमीवर पोलिसांनी केलेल्या या कारवाईकडे विशेष लक्ष वेधले जात आहे.
     या प्रकरणी गुन्हा दाखल करण्यात आला आहे.पोलिस शिपाई प्रविण जयवंत गायकवाड (ब. नं. 1875, तळबीड पोलीस ठाणे) यांनी दिलेल्या फिर्यादीनुसार वैभव सुखदेव कोरडे (वय 25, रा. गजानन हौसिंग सोसायटी, गोवारे, ता. कराड, जि. सातारा) हा आपल्या ताब्यातील हिरो कंपनीची काळ्या रंगाची मेस्ट्रो मोपेड (क्र. MH 50 D 1269) वरून परवानगीशिवाय विदेशी दारू विक्रीच्या उद्देशाने वाहतूक करताना आढळून आला.

जप्त मुद्देमाल

     पोलिसांनी एकूण सुमारे 19 हजार 400 किमतीचा विदेशी दारूचा साठा जप्त केला आहे. यामध्ये विविध ब्रँडच्या 90 मि.ली., 180 मि.ली., 500 मि.ली. व 650 मि.ली. क्षमतेच्या बाटल्यांचा समावेश आहे.
जप्त साठ्यात ग्रॅन्ड मास्टर कॅनबेरी होडका, ग्रीन लेबल व्हिस्की, ओल्ड मंक रम, इम्पेरिअल ब्लू, रॉयल चॅलेंज, मास्टर डिलाईट, रॉयल ग्रीन, मॅकडोनाल्ड, मुंबई मल्ट, रॉयल स्टॅग तसेच टुबर्ग, किंगफिशर व लंडन पिल्सनर स्ट्रॉंग बिअरच्या बाटल्यांचा समावेश आहे.
       याशिवाय अंदाजे 30 हजार किमतीची हिरो मेस्ट्रो मोपेड (क्र. MH 50 D 1269) देखील जप्त करण्यात आली आहे.
     सदरची कारवाई श्रीमती राजश्री पाटील उप विभागीय पोलीस अधिकारी कराड यांच्या मार्गदर्शनाखाली सहायक पोलीस निरीक्षक रविंद्र भोरे, PSI प्रशांत पाटील, ASI आनंदा रजपूत, पोलीस हवालदार योगेश भोसले, आप्पा ओंबसे, पोलीस नाईक कुपदीप कोळी पोलीस शिपाई प्रवीण गायकवाड, सुशांत कुंभार, अभय मोरे, मारुती बाकले यांनी केली असून पुढील तपास पोलीस उपनिरीक्षक दिनकर काळे करीत आहेत.
तळबीड पोलिसांच्या या कारवाईमुळे परिसरातील बेकायदा दारू वाहतुकीवर आळा बसण्यास मदत होणार असल्याची प्रतिक्रिया व्यक्त होत आहे.