आषाढी वारी निमित्त मुस्लिम समाजातर्फे वारकऱ्यांना फळे आणि पाणी वाटप

व्हिजन २४ तास न्यूज (संपादक :अहमद मुल्ला )
म्हसवड
       आषाढी वारी निमित्त म्हसवड शहरातील मुस्लिम समाजाने दाखवलेल्या सौहार्दाचे एक अनोखे उदाहरण बघायला मिळाले. या वारीच्या प्रसंगी, म्हसवड शहरातील मुस्लिम समाजाने वारकऱ्यांना फळे आणि पाणी वाटप करून त्यांच्या आषाढी  वारीला समर्थन दिले.

     वरील उपक्रमाचे आयोजन करणारे मुस्लिम समाजाचे प्रतिनिधी सोहेल शोकत मुल्ला म्हणाले की, आषाढी वारी ही आपल्या सर्वांच्या एकतेचे प्रतीक आहे आणि यामध्ये भाग घेऊन आपण सर्व धर्मांच्या श्रद्धेचा सन्मान करतो. समाजात शांतता आणि बंधुत्व कायम राखणे आपले कर्तव्य आहे आणि म्हणूनच आम्ही वारकऱ्यांना फळे आणि पाणी वाटप केले.

       या उपक्रमादरम्यान, वारकऱ्यांनी देखील मुस्लिम समाजाच्या या आदरभावनेचे मनःपूर्वक स्वागत केले. त्यांनी सांगितले की, “ह्या वारीत सामील होण्याचा आनंद आम्हाला मिळाला आणि अशा प्रकारच्या समर्थनामुळे आमची यात्रा अधिक सुखद झाली.”

      म्हसवड शहरातील विविध समाज घटकांनीही   या उपक्रमाचे कौतुक केले. ते म्हणाले की, “अशा कृतीमुळे समाजात आपुलकी आणि एकोप्याचे वातावरण निर्माण होते.”

        आषाढी वारीच्या निमित्ताने दाखवलेल्या या आदरभावनेमुळे म्हसवड शहरातील एकतेची भावना अधिक दृढ झाली आहे. विविध धर्मांच्या लोकांनी एकत्र येऊन साजरा केलेला हा क्षण निश्चितच ऐतिहासिक ठरला आहे.

     या पुण्यकार्यात ,असिफभाई मुजावर, नगरसेवक अकीलभाई काझी, पत्रकार अहमद मुल्ला,फिरोजभाई मुुल्ला,हाजी शौकतभाई मुुल्ला,सलाउद्दीन काझी, सोहेलभाई मुुल्ला, आदम मुल्ला, असद मुुल्ला,अशरफ मुजावर, अजीम मुुल्ला,मोहसिन तांबोली,हाफिज अशरफ,समीर मुजावार,फारुख नदाफ, वासिम नदाफ, आरिफभाई मुजावर सहभागी झाले होते.

आषाढी दिंडी काळत मुस्लिम बांधवांनी आपली चिकन मटण दुकानें बंद ठेवली होती

यावेळी म्हसवड पोलीस ठाण्याचे सपोनि सखाराम बिराजदार  गोपनीय विभागाचे अभिजित भादुले, इतर पोलीस कर्मचाऱ्यांनी  वाहतूक व्यवस्थेचे  योग्य नियोजन करून शांतता व सुव्यवस्था राखून वारकरी दिंडीना सहकार्य केले