राष्ट्रीय विज्ञान दिनानिमित्त वसंतराव नाईक कला- वाणिज्य आणि बॅरिस्टर ए.आर.अंतूले विज्ञान महाविद्यालयात भव्य ग्रंथ प्रदर्शन

व्हिजन २४तास न्यूज (संपादक :अहमद मुल्ला )

सुशील यादव

रायगड 

म्हसळा :प्रतिनिधी

       राष्ट्रीय विज्ञान दिनानिमित्त आणि विख्यात शास्त्रज्ञ डॉ.सी.व्ही.रमन यांच्या जयंतीचे औचित्य साधून कोकण उन्नती मित्र मंडळाचे वसंतराव नाईक कला- वाणिज्य आणि बॅरिस्टर ए.आर.अंतूले विज्ञान महाविद्यालयात भव्य ग्रंथ प्रदर्शनाचे आयोजन करण्यात आले.

    तीन दिवस प्रदर्शीत केलेल्या ग्रंथ प्रदर्शनाचे उदघाटन प्रा.भोसले यांच्या हस्ते करण्यात आले.याप्रसंगी महाविद्यालयाचे प्रभारी प्राचार्य दिगंबर टेकळे, डॉ.एम.एच.सिद्धीकी,प्रा.मन्सूरी,प्रा.उमासरे,प्रा.बडे,ग्रंथापाल प्रा.आर.एस. माशाळे आणि विद्यार्थी उपस्थित होते.

     ग्रंथालयात असलेल्या ग्रंथांची खुल्या जागेत व्यवस्थित विषयाच्या वर्गवारी नुसार मांडणी केल्याने प्रदर्शनाला भेट देणाऱ्या वाचकांच्या नजरेतुन जेव्हा ही ग्रंथ जातात तेव्हा एकच नव्हे तर अनेक ग्रंथ वाचण्याविषयी जिज्ञासा निर्माण होतो.ग्रंथ प्रदर्शन संपल्यानंतर वाचण्यासाठी मिळावी याकरिता ग्रंथापालाकडे तीव्र मागणी करतात.

  ग्रंथ प्रदर्शना बाबत प्रा.रायप्पा माशाळे यांनी मनोगत व्यक्त करताना वर्षानुवर्षे कपाटात बंद असलेली ग्रंथ वर्षातून एकदा तरी खुल्या वातावरणात निवांत वेळेत व स्वछंदपणे वाचकांना हाताळण्याची संधी उपलब्ध करून द्यायला हवी यामुळे एकाच वेळी असंख्य ग्रंथाचे दर्शन घडते. वाचकांमध्ये वाचनवृत्ती जडते.ग्रंथ वाचक आणखी चार वाचकांना अवगत करून देत असतो.मोबाईल आणि संगणकाच्या जमान्यामुळे कित्येक वाचक आपल्याला आवडणाऱ्या ग्रंथांचे त्या आतील काही पानांचे फोटो काढून घेण्याचा उत्साह युवकांमध्ये दिसून आल्याचे सांगण्यातआले.

   वाचन चळवळ उपक्रमाची दखल घेऊन संस्थेचे अध्यक्ष मुश्ताक अंतूले,विश्वस्त सचिव अशोक तळवटकर,वंदना विचारे,महाविद्यालय विकास समितीचे सदस्य फझल हळदे,महादेव पाटील,योगेश विचारे यांनी शुभेच्छा देऊन कौतुक केले आहे.