म्हसळा शहरात शिवसेना व गर्जा महाराष्ट्र प्रतिष्ठान तर्फे शिवजयंती उत्सवाचा दिमाखदार सोहळा संपन्न.

      शिवसेना उद्धव ठाकरे गट आणि गर्जा महाराष्ट्र प्रतिष्ठान यांच्या संयुक्त विद्यमाने म्हसळा तालुका शहरात प्रथमतःच दिघी नाका येथील चौकात राजे छत्रपती शिवाजी महाराजांच्या पुतळ्याचे अनावरण करून शिवजयंती उत्सव मोठ्या दिमाखात साजरी करण्यात आली.प्र.पोलिस निरीक्षक पवन चौधरी यांच्या हस्ते राजे छत्रपती शिवाजी महाराजांचे पुतळ्याचे पूजन व श्रीफळ वाढवून अभिवादन करण्यात आले.

          म्हसळा येथे आयोजित फाल्गुन वद्य तृतीया शके १९४५ तिथीनुसार साजरी करण्यात आलेल्या शिवजयंती उत्सवात किल्ले दुर्गराज रायगड ते म्हसळा अशी मशाल ज्योत प्रज्वलीत ठेवून,पालखी सोहळा,ढोल ताशाच्या गजरात,झांज पथकाने वाद्य वाजवत, फटाक्यांची आतषबाजी करत राजे छत्रपती शिवाजी महाराज,छत्रपती संभाजीराजे,महाराणी येसूबाई आणि स्वराज्याचे शिलेदारांची वेशभुषा धारण केलेले बालकलाकार यांची रथातून भव्य मिरवणूक पार पडली.त्या औचित्याने चॅम्पियन कराटे क्लब श्रीवर्धन – म्हसळा मधील मुलामुलींनी बनाठी खेळ,ढाल तलवारबाजी प्रात्याशिक आणि विविध चित्त थरारक मनोरे सादर केले

               .म्हसळा नगरीतील सर्व शिवभक्त मोठ्या संख्येने उपस्थित होते.या वर्षीची शिवजयंती उत्सव मोठ्या उत्साही वातावरणात साजरी कऱण्यात आली.उत्सव आयोजनात खास करून शिवसेना शहरप्रमूख विशाल सायकर,म.गर्जा प्रतिष्ठान संस्थापक अध्यक्ष सचिन करडे,युवासेना तालुका अधिकारी कौस्तुभ करडे,तालुकाप्रमूख सुरेश कुडेकर,तालुकाप्रमूख प्रसाद बोर्ले,तालुका अधिकारी स्वप्नील चांदोरकर,नगरसेविका राखी करंबे,शहर अधिकारी अजय करंबे,शहर संघटक अभय कलमकर, युवासेना तालुका चिटणीस राहुल जैन,उपशहर प्रमुख दिपल शिर्के,उपशहर प्रमुख विशाल साळुंखे, उपतालूका प्रमूख प्रवीण बनकर,उपशहर अधिकारी, स्वानंद बोरकर,शाखाप्रमुख अंकुश नटे,शिवसैनिक प्रतीक गोविलकर आदी शिवसैनिकांनी प्रचंड मेहनत घेतली होती.शिवजयंती उत्सव सोहळ्यात नगराध्यक्ष संजय कर्णिक,राष्ट्रवादी काँग्रेस तालुका अध्यक्ष समीर बनकर,भाजप जिल्हा कार्यकारणी सदस्य शैलेश पटेल,तालुका अध्यक्ष तुकाराम पाटील,प्रसन्ना निजामपुरकर,यतीन करडे, सुशिल यादव,दादा पानसरे,भाई बोरकर,सरपंच अनंत नाक्ती,बाबु शिर्के,उदय कळस,निलेश करडे,नंदन रिकामे,अजय करंबे आदी मान्यवर महीला मंडळी शिवप्रेमी नागरीक मोठ्या संख्येने उपस्थित होते