आमदार जयकुमार गोरे (भाऊ) यांचा विखळे गावभेट दौरा व कार्यकर्त्यांची बैठक

व्हिजन २४ तास न्यूज (संपादक :अहमद मुल्ला )

विखळे, ता. खटाव |

विखळे, ता. खटाव येथे आमदार जयकुमार गोरे (भाऊ) यांच्या नेतृत्वाखाली कलेढोण व मायणी गटातील पदाधिकारी व कार्यकर्त्यांची विधानसभा निवडणूक 2024 च्या अनुषंगाने गावभेट दौरा व कोपरा बैठक पार पडली. या दौऱ्यात निवडणूक पूर्व तयारीचा आढावा घेण्यात आला तसेच 28 ऑक्टोबर रोजी उमेदवारी अर्ज दाखल करण्याच्या अनुषंगाने विविध विषयांवर चर्चा झाली.

जयकुमार गोरे यांनी कार्यकर्त्यांना निवडणूक रणनीती, नियोजन, आणि प्रचार याबाबत मार्गदर्शन केले. त्यांनी येणाऱ्या विधानसभा निवडणुकीत कशाप्रकारे यश मिळवता येईल याचे सखोल विश्लेषण केले. यावेळी, जनतेच्या समस्या समजून घेऊन त्यावर तात्काळ उपाययोजना करण्याच्या सूचनाही दिल्या.

या बैठकीत माजी आमदार डॉ. दिलीपराव येळगावकर यांनीही उपस्थितांना संबोधित केले. त्यांनी विकासकामे, स्थानिक पातळीवरील प्रश्न आणि आगामी निवडणुकीच्या दृष्टीने पक्षाची भूमिका स्पष्ट केली. त्यांनी उपस्थित पदाधिकारी आणि कार्यकर्त्यांना एकत्रित काम करण्याचे आवाहन केले.

यावेळी उपस्थित प्रमुख मान्यवरांमध्ये विधानसभा प्रमुख सोमनाथ भोसले, जिल्हा सरचिटणीस विकल्प शहा, कलेढोणच्या सरपंच सौ. प्रीतीताई शेटे, युवा नेते विशाल बागल, विखळे संचालक पवन देशमुख, उपसरपंच महेश पाटील, इंजि. सुनील पोरे आणि इतर अनेक स्थानिक पदाधिकारी होते. त्यांनी सर्वांनी मिळून आगामी निवडणुकीसाठी पक्षाच्या तयारीला अंतिम रूप देण्याचे निर्धार केला.

कार्यक्रमाला स्थानिक कार्यकर्त्यांनी आणि ग्रामस्थांनी मोठ्या संख्येने उपस्थिती लावली होती. यामध्ये विशेषतः दीपक खताळ, भाऊसाहेब देशमुख, सुरज देशमुख, लहुजी तापकर, चंद्रकांत निकम, राजेंद्र कणसे, अनिल घाडगे, अशोक महादेव कदम, प्रशांत भैया देशमुख, राजू कणसे, कृष्णा शिंदे, नागेश देशमुख, रफिक भाई मुलाणी, अनिल ढोले, सुभाष कांबळे, सचिन शिंदे, अरविंद खैरमोडे, संजय पाटोळे आणि सागर आडके यांचा समावेश होता.

या गावभेट दौरा व कोपरा बैठक मधून जयकुमार गोरे व त्यांच्या कार्यकर्त्यांनी आगामी विधानसभा निवडणुकीसाठी जोरदार तयारी करत असल्याचे स्पष्ट झाले आहे.