म्हसवड पोलीस स्टेशन हद्दीतील 23 जणांना हद्दपारीच्या नोटिसा : सपोनि राजकुमार भुजबळ

 “सद्रक्षणाय – खलनिग्रहणाय” या ब्रीद वाक्या प्रमाणे आपल्या कार्याची प्रचिती देत आहेत म्हसवड पोलीस स्टेशनचे सहाय्यक पोलीस निरीक्षक श्री राजकुमार भुजबळ.

म्हसवड पोलिस ठाणे कार्यक्षेत्रात समावेश असलेल्या ४२ गावात यंदा एकूण १४४ सार्वजनिक गणेश मंडळे गणेशमूर्तीची स्थापना करून उत्सव

साजरा करीत आहेत. यामध्ये ११ गावांत ‘एक गाव एक गणपती’ उपक्रम ग्रामस्थांनी राबवला आहे. म्हसवड शहरात २३ मंडळांनी यंदाच्या उत्सवात भाग घेतला आहे

 .उत्सव व ईदच्या कालावधीसाठी कायदा व सुव्यवस्था राखण्यासाठी सायंकाळी पोलिस व गृहरक्षक दल, पहाटे व रात्री, सकाळच्या सुमारासही पोलिसांची गस्त सुरूकेली आहे. सार्वजनिक गणेश मंडळांनी जाती धर्मामध्ये तेढ निर्माण होणारे आक्षेपार्ह वादग्रस्त आणि विडंबनात्मक देखाव्याचे सादरीकरण करू नये. समाज प्रबोधनात्मक देखाव्यांवर मंडळांनी भर द्यावा.

विविध सामाजिक, धार्मिक उपक्रम राबवावेत. विद्युतरोषणाई करताना शॉर्टसर्किटच्या घटना टाळाव्यात. याबरोबरच ‘श्रीं’च्या मूर्तीचे विसर्जन मिरवणुकीत ध्वनिक्षेपकाची मर्यादा पाळणे गरजेचे असल्याच्या सार्वजनिक मंडळांना सूचना देण्यात आलेल्या आहेत. विसर्जन मिरवणुकीत दोन मंडळांत अडथळा वादविवाद होता कामा नये, असेही भुजबळ यांनी सांगितले. गणेशोत्सव काळात सर्व मंडळांनी मद्यपान करून रात्री-अपरात्री मोठ्याने कर्कश आवाजात गाणी लावून लहान मुले, वयोवृद्ध व आजारी रुग्णांस त्रास होऊ नये याची दक्षता घ्यावी, असे आवाहनही सहाय्यक पोलीस निरीक्षक श्री.भुजबळ यांनी केले.