माणगंगा शैक्षणिक संकुल हे व्यावसायिक पिढी घडविण्याचे केंद्र.: नितीन वाघमोडे

व्हिजन २४ तास न्यूज (संपादक :अहमद मुल्ला )
म्हसवड :
    मासाळवाडी म्हसवड येथील माणगंगा शैक्षणिक संकुल मध्ये स्नेहसंमेलन व पारितोषिक वितरण कार्यक्रमाचे आयोजन करण्यात आले होते . या कार्यक्रमाच्या उदघाटन प्रसंगी प्रमुख पाहुणे म्हणून आयकर आयुक्त मा. नितीन वाघमोडे बोलत होते

      यावेळी कार्यक्रमाचे अध्यक्ष म्हणून माजी नगराध्यक्ष नितिन दोशी, तर प्रमुख पाहुणे म्हणून महाराष्ट्र राज्य व्यवसाय प्रशिक्षण संघटना अध्यक्ष मा. सुहास पाटील, नासपचे अध्यक्ष इंजि. सुनिल पोरे साहेब, राज सोणवले,आदी मान्यवर उपस्थित होतें.यावेळी बोलताना नितिन वाघमोडे पुढे म्हणाले की माणगंगा शैक्षणिक संकुल हे माण तालुक्यांतील नावाजलेले संकुल आहे, या ठिकाणी व्यवसाय प्रशिक्षण देवून व्यावसायिक पिढी घडवण्याचे काम संस्था करीत आहे. या संकुलात प्रशिक्षण घेतलेला डिप्लोमा इन मेडिकल लॅब टेक्निशियन, रेडियोलॉजी टेक्निशियन, नर्सिंग पुर्ण विध्यार्थीना मोठया शहरात मोठी मागणी आहे, ते त्या ठिकाणी नोकरी करीत आहेत, शिवाय स्वतःचा व्यवसाय करित आहेत .स्किल डेव्हलपमेंट योजनेंतर्गत अतिशय चांगलें शिक्षण ग्रामीण भागातील मुलांसाठी चालु आहे याचा अभिमान आहे. या संकुलातील शिक्षण उच्च श्रेणीत मोजले जाईल अशी तयारी या मुलांची आहे. . डॉ वसंत मासाळ व त्यांची पत्नी सौ सविता तसेच सर्व संचालक मंडळ सर्व शिक्षक कर्मचारी यांचे अथक प्रयत्नांनी हे संकुल नक्कीच उंच शिखरावर पोहचेल. अशी अपेक्षाही यावेळी त्यांनी व्यक्त केली.

          यावेळी बोलताना मा. सुहास पाटील म्हणाले की ग्रामीण भागातील मुलांना आपल्या स्वतःच्या पायावर उभे करणारे, मेडिकल लॅब टेक्निशियन , रडिओलॉजी टेक्निशियन,नर्सिंग असे अभ्यासक्रम पूर्ण केल्यानंतर त्यांना मोठी आर्थिक मदत मिळत असते. इंग्लिश मिडीयम स्कूलच्या माध्यमातून तळागाळातील मुलाना मुख्य प्रवाहात आणणे, त्यांच्यात सुधारणा करून त्यांचे भविष्य उज्वल करणे, त्यांना कुटुंबाचा आर्थिक आधारवड बनवन्याचे काम संस्था करीत आहे.
     आपल्या अध्यक्षीय स्थानावरून बोलताना मा. नितीन दोशी (भाऊ) म्हणाले की संस्थेचा विस्तार व त्यांचा प्रगतीचा आलेख पाहून भारुवून गेलो .ही संस्था माझी आहे.. जो काही बदल घडतो आहे तो या संस्थेचे अध्यक्ष डॉ वसंत मासाळ व त्यांच्या बरोबर निरक्षर असूनही शिक्षणाची तळमळ असलेले ग्रामीण भागातील मुलांना शिक्षण मिळावे ह्या एकाच उद्देशाने प्रेरित झालेले संस्था सचिव नारायण मासाळ व संस्था उपाध्यक्ष सुखदेव मासाळ, मधुकर मासाळ तसेच सर्व संचालक मंडळ.. संकुलात मार्गदर्शन करणारे गुरूजन वर्ग यांच्या मेहनतीचे फळ दिसत आहे.
खरोखर एवढ्या प्रचंड अडचणीवर मात करून शिक्षण मिळावे म्हणून हे संकुल उभा राहिले आहे ते येथील गावकऱ्यांचे भाग्य आहे.

       इंजि. सुनील पोरे साहेब म्हणाले की माझे आणि या संकुलाचे नाते घनिष्ट झाले आहे.या संस्थेचे जडणघडण हि त्यागातून मेहनतीतून होत आहे . हे संकुल नावारूपाला येणेसाठी माझे नेहमीच योगदान राहिल
          संस्था अध्यक्ष डॉ वसंत मासाळ यांनी संस्थेची स्थापना ते आतापर्यंतचा प्रवास सांगितला.चित्र फितीच्या माध्यमातुन संस्थेची प्रगती कामकाज दाखवण्यात आले. यावेळी डॉ अनिता दादासाहेब खरात, अप्पासाहेब घुटुगडे ,डॉ अवधूत खाडे, डॉ नेहा खाडे, डॉ अनिता घुटूकडे,विक्रम शिंगाडे, साखरे गुरुजी, त्रिगुने गुरुजी, फुटाणे सर , नगरसेवक जगन्नाथ लोखंडे, अजीम तांबोळी, म्हसवड मेडिकल असोसिएशनचे बहुतांश डॉक्टर्स ,शैक्षिणक क्षेत्रातील मान्यवर मंडळी उपस्थित होती
कार्यक्रमाचे प्रस्ताविक संस्थेचे सह डायरेक्टर रावसाहेब मासाळ यांनी केले.