म्हसवड शहरात भूमि अभिलेख कार्यालय सुरु करण्यात यावे :इंजि.सुनील पोरे 

मा. जिल्हाधिकारी व जिल्हा भुमी अभिलेख अधिकारी  यांना दिलेल्या निवेदनात  इंजि.सुनील पोरे यांनी म्हटले आहे की,

म्हसवड शहर हे माण तालुक्यात सर्वाधिक मोठे व सर्वाधिक लोकसंख्या व क्षेत्रफळ असलेले शहर आहे, शहरावर परिसरातील १२ वाड्या व १२ वस्त्यासंह जवळपास ६० लहान मोठी गावे अवलंबुन आहेत, म्हसवड ते दहिवडी हे अंतर ३५ कि.मी. आहे तर म्हसवड अंतर्गत असलेल्या शेनवडी ते दहिवडी हे अंतर सुमारे ७० कि.मी. आहे  सदरचे कार्यालय  म्हसवड येथे सुरु झाल्यास म्हसवड शहरासह परिसरातील जवळपास ७० गावातील नागरीकांची सोय होणार आहे, त्यामुळे नागरीकांची वेळ अन् पैसा निश्चीतच वाचणार आहे, याशिवाय सध्या दहिवडी येथे सुरु असलेल्या सदरच्या कार्यालयात जवळपास ७० टक्के कामे ही म्हसवड व परिसरातील गावातील नागरीकांची आहेत. म्हसवड शहरात सदर कार्यालय सुरु करण्यासाठी सुसज्ज अशी इमारत उपलब्ध आहे.

तरी मागणीनुसार म्हसवड येथे सदर कार्यालय सुरू करणेविषयी संबंधितांना आदेशित करण्यात यावे अशी विनंती इंजि.सुनील पोरे यांनी निवेदना द्वारे जिल्हाधिकारी यांना  केली आहे