आ.जयकुमार गोरेभाऊ यांच्या आमदार फडातून वडुज येथे नामदेव मंदिरासाठी १० लाख रुपये मंजूर …

व्हिजन २४ तास न्यूज (संपादक :अहमद मुल्ला )
म्हसवड /वडूज

      वडूज (जिल्हा सातारा) येथे संत शिरोमणी श्री नामदेव महाराज मंदिराच्या बांधकामासाठी १० लाख रुपये निधी मंजूर करण्यात आले आहेत. हा निधी आमदार जयकुमार गोरे यांनी आपल्या आमदार फडातून उपलब्ध करून दिला आहे.
या मंदिराच्या बांधकामासाठी लवकरात लवकर निधी उपलब्ध करून देण्याचे आश्वासन नामदेव समाजोत्रती परिषदेचे जिल्हाध्यक्ष आणि अभियंता सुनील पोरे यांनी दिले होते. त्यांच्या प्रयत्नांमुळे आणि वडूज येथील समाजबांधवांच्या पाठपुराव्यामुळे हा निधी मंजूर झाला आहे.

       एप्रिल २०२३ मध्ये सुनील पोरे यांनी वडूजमधील शिंपी समाजबांधवांना भेट दिली होती आणि त्यावेळी नामदेव मंदिराच्या बांधकामासाठी निधीची कमतरता पडू देणार नाही असे आश्वासन दिले होते. त्यांच्या या प्रयत्नांमुळेच आमदार जयकुमार गोरे यांनी त्वरित निधी मंजूर करून दिला व यांच्याच हस्ते या मंदिराचे भूमिपूजन होऊन बांधकामाची सुरुवात झाली आहे.

        मंदिराच्या बांधकामाच्या ठिकाणी नुकतीच सुनील पोरे यांनी भेट दिली आणि वडूज शिंपी समाज बांधवांनी त्यांच्या या कार्यासाठी त्यांचे आभार मानले. यावेळी सुनील पोरे यांनी जिल्ह्यातील प्रत्येक गावात संत नामदेव मंदिराच्या उभारणीसाठी कटिबद्ध असल्याचे सांगितले. त्यांनी वचन दिले की, समाजाच्या विकासासाठी आणि धार्मिक स्थळांच्या उभारणीसाठी आवश्यक त्या सर्व प्रयत्नांची पूर्तता केली जाईल.

        या निधी मंजुरीमुळे वडूज येथील नामदेव महाराज मंदिराच्या बांधकामाला गती मिळेल आणि समाजातील धार्मिक आणि सांस्कृतिक एकता वाढेल.
या प्रसंगी सोमनाथ यवतकर, रमेश डोंगरे , सुयोग लंगडे कॉन्ट्रॅक्टर विजय शेटेआदी मान्यवर उपस्थित होते