माणदेशात भाटकी येथे केशर आंबा पिक उत्पादनासाठी ‘दहा ड्रम पद्धतीचा वापर’ या विषयावर प्रात्यक्षिकांसह शेतकरी प्रशिक्षण शिबिर संप्पन्न
व्हिजन २४ तास न्यूज (संपादक :अहमद मुल्ला )
म्हसवड, –
महाराष्ट्र शासनाच्या कृषि विभाग, कृषि तंत्रज्ञान व्यवस्थापन यंत्रणा (आत्मा), तालुका कृषी अधिकारी दहिवडी आणि कृषि विज्ञान केंद्र बोरगाव यांच्या संयुक्त विद्यमाने भाटकी, म्हसवड येथे आंबा पिक उत्पादनासाठी ‘दहा ड्रम पद्धतीचा वापर’ या विषयावर प्रात्यक्षिकांसह शेतकरी प्रशिक्षणाचे आयोजन करण्यात आले. हे प्रशिक्षण श्री. अजित शिर्के यांच्या शेतावर आयोजित करण्यात आले होते.
प्रमुख मार्गदर्शक म्हणून कृषि विज्ञान केंद्र बोरगाव येथील विषय तज्ञ श्री. भूषणकुमार यादगीवार यांनी आंबा पिकाविषयी सखोल मार्गदर्शन केले. त्यांनी आंबा पिकाची काळजी, उत्पादन वाढवण्यासाठी आवश्यक तंत्रज्ञान याबद्दल शेतकऱ्यांना माहिती दिली. पशुसंवर्धन विभागाचे श्री. सकटे सर यांनी सेंद्रिय शेतीमध्ये पशुसंवर्धनाचे महत्व स्पष्ट केले. सेंद्रिय शेतीला पशुपालन कसे पूरक ठरते, याची माहिती देत त्यांनी शेतकऱ्यांचे लक्ष वेधले. याचबरोबर, सेंद्रिय शेती तज्ञ श्री. आबा लाड यांनी दहा ड्रम थेरी पद्धतीचे सविस्तर स्पष्टीकरण केले.
