बृहन्मुंबई महानगरपालिका शिक्षण विभागाच्या विद्यार्थी कलाकृती स्पर्धेचा उत्साहपूर्ण समारोप

व्हिजन २४ तास न्यूज (संपादक :अहमद मुल्ला )
गणेश तळेकर :प्रतिनिधी
मुंबई:
बृहन्मुंबई महानगरपालिका शिक्षण विभाग अंतर्गत कार्यानुभव विभागामार्फत आयोजित विभागीय मध्यवर्ती विद्यार्थी कलाकृती स्पर्धा व प्रदर्शन पारितोषिक वितरण कार्यक्रम 2024-25 दि. 6 फेब्रुवारी 2025 रोजी परेल भोईवाडा मनपा शाळा संकुलाच्या सभागृहात मोठ्या उत्साहात संपन्न झाला.

या स्पर्धेमध्ये बृहन्मुंबई महानगरपालिकेच्या विविध भाषिक शाळा, एम.पी.एस., सीबीएसई, आयसीएसई शाळांमधील इयत्ता 1ली ते 8 वीच्या विद्यार्थ्यांनी सहभाग घेतला. एकूण 8000 विद्यार्थ्यांनी सुंदर आणि आकर्षक कलाकृती सादर केल्या, त्यातील उत्कृष्ट कलाकृतींना सन्मानित करण्यात आले. तसेच कार्यानुभव शिक्षकांनी तयार केलेल्या विषयानुसार कलाकृतींनाही पारितोषिके जाहीर करण्यात आली.

कार्यक्रमाला सन्मा. शिक्षणाधिकारी श्री. राजेश कंकाळ, सन्मा. शिक्षणाधिकारी (माध्यमिक) श्रीम. सुजाता खरे, कार्यानुभव विभागाच्या निदेशक श्रीम. तृप्ती पेडणेकर, तसेच सन्मा. उपशिक्षणाधिकारी श्रीम. ममता राव, श्री. मुख्तार शहा, श्रीम. सायली सुर्वे, श्रीम. सीमा चतुर्वेदी व विशेष पाहुणे म्हणून टीव्ही मालिका अभिनेत्री श्रीम. पूनम चांदोरकर उपस्थित होते.

मान्यवरांच्या हस्ते विजेत्या विद्यार्थ्यांना आणि शिक्षकांना गौरविण्यात आले. कार्यक्रम आनंदात आणि उत्साहात पार पडला.