शिंपी समाजाच्या आर्थिक विकास महामंडळाची स्थापना – आमदार जयकुमार गोरे यांचा जाहीर सत्कार

व्हिजन २४ तास न्यूज (संपादक :अहमद मुल्ला )

म्हसवड (प्रतिनिधी) –

माण-खटावचे लोकप्रिय आमदार सन्माननीय जयकुमार गोरे यांच्या अथक परिश्रमातून शिंपी समाजाच्या आर्थिक विकास महामंडळाची स्थापना करण्यात आली आहे. या महत्वपूर्ण घडामोडीनिमित्त, त्यांच्या निवासस्थानी शिंपी समाज बांधवांकडून त्यांचा जाहीर सत्कार करण्यात आला.

सत्कार समारंभाच्या प्रसंगी जिल्हाध्यक्ष ना.स.प. सन्माननीय इंजि. सुनील पोरे यांच्या हस्ते श्री संत शिरोमणी नामदेव महाराज यांच्या प्रतिमेचे पूजन करण्यात आले. प्रतिमेला शाल, पुष्पहार अर्पण करून आणि पेढे वाटून आमदार जयकुमार गोरे यांना सन्मानित करण्यात आले.

या सोहळ्यात फलटण शहर विठ्ठल मंदिर ट्रस्टचे अध्यक्ष सन्माननीय राजेश हरिभाऊ हेंद्रे, सेक्रेटरी सन्माननीय अविनाश कुमटेकर, सन्माननीय दिगंबर शेठ कुमटेकर यांच्यासह माण, खटाव, कोरेगाव आणि फलटण तालुक्यातील शिंपी समाज बांधव मोठ्या संख्येने उपस्थित होते. जेष्ठ समाजबांधव विजय खटावकर, किरण कांबळे, सुनील कांबळे, सोमनाथ यवतकर, विजय चांडवले, रमेश पोरे, संदीप नामदास, महेश पतंगे, विजय जवजाळ आणि हभप जगदीश पोरे महाराज आदी मान्यवरही या कार्यक्रमाला उपस्थित होते.

अध्यक्ष इंजि. सुनील पोरे यांनी आमदार गोरे यांचे आभार मानत, पंढरपूर येथील संत नामदेव महाराज स्मारक आणि नामदेव पायरी सुशोभीकरणासाठी शासन स्तरावर मदतीची मागणी केली. यासंदर्भात आमदार जयकुमार गोरे यांनी भविष्यात निश्चित मदत करण्याचे अभिवचन दिले.

प्रास्ताविक किरण कांबळे सर यांनी केले, तर कार्यक्रमाचे आभार राजेश हेंद्रे यांनी मानले.