दिव्यांगांसाठी आळंदी–देहूची भक्तिमय यात्रा : ‘अंधार निमाला, जाहला विठ्ठलाचा प्रकाश!’
व्हिजन २४ तास न्यूज संपादक अहमद मुल्ला
मुंबई | प्रतिनिधी
मुंबईतील नेत्रहीनांसाठी कार्यरत असलेल्या **आधारिका फाऊंडेशन****ने आपल्या दिव्यदृष्टी मित्रांसाठी आळंदी–देहू दर्शनाची भक्तिमय सहल आयोजित केली. श्रद्धा, भक्ती आणि समावेशकतेचा संदेश देणारी ही यात्रा सर्व सहभागींसाठी भावविभोर ठरली.
या यात्रेत दिव्यदृष्टी मित्रांनी आळंदी येथे संत ज्ञानेश्वर महाराज यांच्या संजीवन समाधीचे दर्शन घेतले. त्यानंतर देहू येथे संत तुकाराम महाराज यांच्या गाथा मंदिरात चरण पादुकांचे दर्शन घेण्यात आले. यावेळी दिव्यदृष्टी मित्रांनी पारंपरिक कीर्तन-भजनं सादर केली तसेच ‘पसायदान’चे पठण केले. “आम्हाला डोळे नसले तरी हृदयाने विठ्ठल दिसला,” अशी भावनिक प्रतिक्रिया एका सहभागीने दिली.
यात्रेचा प्रारंभ सकाळी मुंबईतून झाला. संपूर्ण प्रवासादरम्यान बस व्यवस्था, मार्गदर्शन व सुरक्षिततेची विशेष काळजी घेण्यात आली होती. सात्विक भोजनाची उत्तम सोय अक्षय चैतन्य किचन यांच्यावतीने करण्यात आली.
फाउंडेशनचे संस्थापक विनायक मोरे म्हणाले, “दिव्यदृष्टी असलेल्यांना भक्तीचा समान अधिकार देणे हे आमचे कर्तव्य आहे. अशा उपक्रमांतून आत्मिक उन्नतीसोबतच सामाजिक समावेशकता वाढते.” यात्रेनंतर सर्व दिव्यदृष्टी मित्र अत्यंत आनंदित झाले असून “अशी यात्रा पुन्हा आयोजित करावी,” अशी विनंती त्यांनी केली.
या प्रसंगी आधारिकाचे सौ. रुपाली मोरे, सौ. अश्विनी खरे, सौ. निलिमा पाटील, श्री. प्रसाद मोरे, श्री. सचिन निनावे आदी पदाधिकारी उपस्थित होते. विशेष दर्शन आयोजित केल्याबद्दल श्री. दयाल कांगणे व कुटुंबीयांचे फाउंडेशनकडून विशेष आभार मानण्यात आले.
दृष्टिहीनांना मुख्य प्रवाहात आणत आत्मिक बळ देणारे आधारिका फाऊंडेशनचे हे प्रयत्न निश्चितच प्रशंसनीय आहेत.
