ऊस तोडीच्या पैशाच्या वादातून चुलत्याचा खून; पुतण्याला जन्मठेप
व्हिजन २४ तास न्यूज (संपादक: अहमद मुल्ला)
म्हसवड:
ऊस तोडीच्या पैशाच्या कारणावरून चुलत्याचा खून करणाऱ्या पुतण्याला वडूज येथील अति. जिल्हा व सत्र न्यायालयाने जन्मठेपेची शिक्षा सुनावली आहे. संदीप वसंत चव्हाण (वय 28, रा. कारंडेवाडी, ता. मान, जि. सातारा) असे दोषी ठरलेल्या आरोपीचे नाव आहे.
घटनेचा तपशील:
ही घटना 19 मे 2020 रोजी पहाटे तीनच्या सुमारास कारंडेवाडी (कुकुडवाड) येथे घडली. आरोपी संदीप चव्हाण याचे त्याच्या चुलता लक्ष्मण अण्णा चव्हाण (वय 49) यांच्यासोबत ऊस तोडीच्या पैशावरून वाद झाले. त्यानंतर संतप्त झालेल्या संदीपने लक्ष्मण चव्हाण यांच्यावर झोपलेल्या अवस्थेत घरातील मटण कापण्याच्या सुऱ्याने वार करत त्यांचा खून केला.
