बॅ.अंतुले यांना हिरवासाप आणि शरदचंद्रजी पवार साहेबांवर कडवट बोलणारे अनंत गीते यांना माझ्यावर टिका करण्याचा अधिकार नाही – खासदार सुनिल तटकरे

व्हिजन २४ तास न्यूज (संपादक :अहमद मुल्ला )

रायगड 

म्हसळा – सुशील यादव

राज्यात आणि केंद्रात एनडीए महायुतीच्या सरकार मध्ये राष्ट्रवादी काँग्रेस पक्ष अजित पवार गट सामील झाल्या नंतर आमचा सेक्युलरझम संपला अशी निवडणुकीच्या तोंडावर मताचा जोगवा मागण्यासाठी, जे भाषणाची सुरुवात करताना फक्त माझ्या तमाम हिंदु बंधु आणि भगिनी अशी साद घालत बोलणारे माजी खासदार अनंत गीते यांना आमच्यावर टिका टिपण्णी करण्याचा नैतिक अधिकार नसल्याचा खुलासा खासदार सुनिल तटकरे यांनी म्हसळा शहरातील जामिया मोहम्मदिया कोकण(मदरसा)येथील थ्री-फेस इलेक्ट्रिक ट्रान्सफार्मचे उद्घाटन सोहळा कार्यक्रमात व्यक्त केला.

        आमच्या धर्मनिरपेक्ष विचारावर प्रश्न निर्माण करणारे लोकांची दिशाभुल करीत आहेत हेच अनंत गीते सन २०१९ च्या लोकसभा निवडणुकीत श्रीवर्धन येथे बॅरिस्टर अंतुले साहेबांना हिरवा साप आणि पवार साहेबांवर कडवट बोलत होते ते आता माझ्यावर टिका करत आहेत ते समजुन घ्यायला हवी.

    खासदार तटकरे पुढे बोलताना बॅ.अंतुले साहेबांनी राज्यात आणि केंद्रात केलेले काम हे अजरामर आहे त्यांची
बरोबरीची तुलना मी माझ्या बरोबर करणार नाही किंबहुना ती पाण्याच्या थेंबा इतकी होऊ शकत नाही पण बॅ.अंतुले आणि आमचे काम करत असतानाचे सेक्युलरझम हे सारखेच असल्याचे आवर्जुन उल्लेख केला.श्रीवर्धन मतदार संघात सन २००९ पुर्वीची धर्मनिरपेक्षता वेगळी होती आणि आताची परिस्थिती वेगळी आहे.आम्ही लोकप्रतिनिधित्व करताना गेल्या २० वर्षात सर्वधर्म समभाव जोपासत विकासाला प्राधान्य देतानाच जातीय सलोखा कायम ठेवत समाजा समाजात प्रेमभाव आणि शांतता प्रस्थापित करून सर्वांगीण विकासाला प्राधान्य दिले आहे.

     याच कार्यक्रमांचे औचित्य साधुन खासदार सुनिल तटकरे यांनी म्हसळा शासकीय निवासस्थान नूतन इमारत बांधकामाचे भूमिपूजन केले.म्हसळा जामीया मोहम्मदिया कोकण यांनी आयोजीत स्वागत कार्यक्रमाला तहसीलदार समिर घारे,मुख्याधिकारी विठ्ठल राठोड,मुस्लीम समाज अध्यक्ष नाझिम चोगले, भाई दफेदर,तालुका अध्यक्ष समीर बनकर,जिल्हा चिटणीस महादेव पाटील,अल्पसंख्यांक सेलचे अध्यक्ष नाझिम हसवारे,नगराध्यक्ष संजय कर्णिक,रियाज घराडे,अब्दुल शकुर घनसार,रफिक घरटकर,सलीम चोगले,शाहीद उकये,नगरसेविका जयश्री कापरे, नौसिन चोगले आदी मान्यवर उपस्थित होते.

     कार्यक्रमाचे प्रस्ताविक मुस्लीम समाज अध्यक्ष नाझिम चोगले यांचे सह भाई दफेदार,नाझिम हसवारे आणि अब्दुल शकुर् घनसार यांनी मनोगत व्यक्त करतांना गेल्या २० वर्षात खासदार तटकरे यांनी अल्पसंख्यांक समाजाचे सामाजिक, सांस्कृतिक आणि शैक्षणिक विकास कामांसाठी निधी उपलब्ध करून दिला आहे तो कधी विसरता न येणारा आणि त्यांचे उपकार विसरता येणार नाही असे स्पष्ट करून तटकरे यांना मनोमन धन्यवाद दिले.खासदार सुनिल तटकरे यांनी केंद्रात आणि राज्यातुन अल्पसंख्यांक समाजातील अनेक विकास कामांसाठी लागणारा निधी कशा प्रकारे उपलब्ध केला त्याचा आयोजीत कार्यक्रमातून पाढा वाचला.कार्यक्रमाचे सुत्रसंचालन सईम चोगले आभार प्रदर्शन अब्दुल शकुर घनसार यांनी केले.