अनिल आय हॉस्पिटलच्या ठाणे येथील सातव्या रुग्णालयाचे भव्य उद्‌घाटन संपन्न

व्हिजन २४ तास न्यूज संपादक अहमद मुल्ला

गणेश तळेकर

मुंबई:-प्रतिनिधी
ठाणे जिल्ह्यात गेली तब्बल ५४ वर्षे विश्वासार्ह व दर्जेदार नेत्रसेवा देणाऱ्या अनिल आय हॉस्पिटलच्या ठाणे शहरा तील दुसऱ्या आणि एकूण सातव्या रुग्णालयाचे उद्घाटन आज मोठ्या उत्साहात व सकारात्मक वातावरणात पार पडले.

या अत्याधुनिक नेत्ररुग्णालयाच्या उद्‌घाटन प्रसंगी मा. डॉ. श्रीकांत शिंदे साहेब यांनी उपस्थित राहून अनिल आय हॉस्पिटलच्या सेवेचे भरभरून कौतुक केले व पुढील वाटचालीस मनःपूर्वक शुभेच्छा दिल्या.

यावेळी मा. श्री. निरंजन डावखरे साहेब यांनी देखील कार्यक्रमाला सदिच्छा भेट देत रुग्णालयाच्या सामाजिक योगदानाचे कौतुक केले.

कार्यक्रमात मा. श्री. नरेश म्हस्के साहेब यांनीही उपस्थित राहून अनिल आय हॉस्पिटलच्या ठाणेकरांसाठी सुरू झालेल्या या नव्या उपक्रमाला शुभेच्छा दिल्या.

या उद्घाटनप्रसंगी ठाणे शहरातील नगरसेवक, नामवंत डॉक्टर, रोटरी क्लबचे पदाधिकारी व सदस्य, तसेच विविध सामाजिक संस्थांचे प्रतिनिधी मोठ्या संख्येने उपस्थित होते.

सर्व मान्यवरांनी रुग्णालयाची पाहणी करून उपलब्ध सुविधांचे कौतुक केले.

यावेळी बोलताना अनिल आय हॉस्पिटलच्या संचालिका डॉ. अनघा हेरूर म्हणाल्या,
“ठाणेकरांकडून मिळणाऱ्या प्रचंड प्रेम, विश्वास आणि पाठबळामुळे आम्ही भारावून गेलो आहोत.

ठाणे शहरासाठी सर्वोत्तम, आधुनिक आणि रुग्णकेंद्रित नेत्रसेवा देण्याचा आमचा संकल्प पुढेही तितक्याच निष्ठेने सुरू राहील.”

ठाणे येथील हे नवीन रुग्णालय अनिल आय हॉस्पिटलच्या सेवाविस्तारातील एक महत्त्वाचा टप्पा ठरत असून, ठाणेकरांसाठी नेत्रसेवेच्या दृष्टीने एक नवा विश्वास निर्माण करणारे केंद्र ठरेल, असा विश्वास उपस्थित मान्यवरांनी व्यक्त केला.

संपर्क: +91 90822 38973

पत्ता: अनिल आय हॉस्पिटल, आनंद भवन सोसायटी, भक्ती मंदिर रोड, तीन हात नाका, नेक्सा शोरूमच्या वर, ठाणे