सामाजिक कार्यकर्ते महावीर पवार यांचा अनोखा उपक्रम. आईच्या प्रथम पुण्यतिथी निमित्त झाडांच्या रोपट्याचे वाटप

व्हिजन २४ तास न्यूज (संपादक :अहमद मुल्ला )
कुलदीप मोहिते
कराड प्रतिनिधी :

       कराड तालुक्यातील वडोली निळेश्वर येथील सामाजिक कार्यकर्ते महावीर पवार यांनी आईच्या प्रथम पुण्य तिथी निमित्त वृक्षारोपण व वृक्ष वाटप असा अनोखा कौतुकास्पद उपक्रम राबवला आहे.

       सध्या महाराष्ट्रात नव्हे तर संपूर्ण जगात जंगलांची गंभीर परिस्थिती आहे जागतिक तापमान वाढ हा गंभीर विषय आहे, मनुष्य हा प्रत्येक जण आपला व्यवहारिक स्वार्थ बघत आहे त्यामुळे जंगलाचा नाश होत आहे मानवाला आपल्या पुढच्या पिढ्यांना जगवायचं असेल तर शाश्वत विकासाच्या मार्गाशिवाय कोणताही पर्याय नाही. त्यासाठी निसर्ग आणि त्यातील प्रत्येक घटकाचं संवर्धन करणं ही अत्यावश्यक बाब बनली आहे           

           ग्लोबल वॉर्मिंग, प्रदूषण आणि धोक्यात येत      असलेल्या प्रजातींमुळे निसर्गात मोठा असंतुलन निर्माण होत आहे. नैसर्गिक साधनसंपत्तीचे रक्षण करण्यासाठी आणि आपल्या पद्धतींचा पृथ्वीवर नकारात्मक परिणाम होणार नाही याची खात्री करण्यासाठी सर्वतोपरी प्रयत्न करण्यासाठी, आपण निसर्ग संवर्धन सुरू केले पाहिजे..हवा, ध्वनी, पाणी आणि माती प्रदूषणाचा सामना करण्यासाठी झाडे देखील महत्त्वपूर्ण भूमिका बजावतात. ते नैसर्गिक फिल्टर म्हणून काम करतात, पर्यावरण शुद्ध करतात आणि जीवनाची गुणवत्ता वाढवतात. शिवाय झाडांवर फळे, नट, औषधी वनस्पती आणि इतर मौल्यवान संसाधने आहेत जी मानवी कल्याणासाठी योगदान देतात. यासाठी प्रत्येकाने झाडे लावणे आणि झाडे जगवणे गरजेचे आहे.

             पृथ्वीवर देव कुठे असेल तर तो आपल्या आई-वडिलांच्यात आहे परंतु हल्लीची युवा पिढी आपल्या चंगळवादी प्रवृत्तीमुळे आपली संस्कृती विसरत चालली आहे. सामाजिक कार्यकर्ते महावीर पवार यांनी एक पाऊल पुढे टाकत आपल्या आईच्या म्हणजे , गंगुबाई शिवाजी पवार यांच्या प्रथम पुण्यतिथी निमित्त झाडे लावा झाडे जगवा असा निसर्ग संवर्धनाचा अनोखा उपक्रम राबवला आहे. या उपक्रमाचे ग्रामस्थांकडून तसेच परिसरातून कौतुक होत आहे

            यावेळी सामाजिक कार्यकर्ते महावीर पवार यांच्याकडून प्रत्येक महिला, पुरुष युवकांना एक झाड देऊन त्यांना ते झाड संवर्धन व वाचवण्यासाठी प्रयत्न करावे असे आवाहन करण्यात आले. ह्या उपक्रमासाठी निलेश पवार, महावीर पवार ,सचिन पवार, बाबासाहेब पवार ,अनिल पवार, सनी जाधव ,हनुमंत पवार, प्रताप पवार, दीपक पवार, यांचे सहकार्य लाभले.