कार्यतत्पर पोलिस अधिकाऱ्यामुळे मोठी दुर्घटना टळली वराडे येथे विद्युत वाहिनीला लागलेल्या आगीत शेतकऱ्यांचे नुकसान टळले

व्हिजन २४ तास न्यूज संपादक अहमद मुल्ला

कुलदीप मोहिते 

कराड | प्रतिनिधी

काल दिनांक १६ फेब्रुवारी रोजी रात्री ठीक ८ वाजता वराडे येथील हॉटेल कृष्णाकाठ परिसरात ** (एम.एस.ई.बी.)**च्या विद्युत वाहिनीला अचानक आग लागल्याची घटना घडली. या घटनेमुळे परिसरात भीतीचे वातावरण निर्माण झाले होते. मात्र, याच वेळी त्या ठिकाणावरून जात असलेले उंब्रज पोलीस स्टेशनचे कार्यतत्पर व जनतेशी नाळ जुळवून काम करणारे, तसेच नुकतीच तळबीड पोलीस स्टेशन येथे बदली झालेले सहाय्यक पोलीस निरीक्षक यांनी प्रसंगावधान दाखवत मोठी दुर्घटना टाळली.

आग लागल्याचे लक्षात येताच भोरे साहेबांनी स्वतः वाहन थांबवून तात्काळ परिस्थितीची माहिती **एम.ए.सी.बी.**च्या सै. जाधव मॅडम यांना दिली. त्वरित समन्वय साधून आवश्यक उपाययोजना राबवण्यात आल्या व आग आटोक्यात आणण्यात यश आले. यामुळे घटनास्थळी असलेल्या शेतकऱ्यांचा ऊस जळण्यापासून वाचला, तसेच इतर आर्थिक हानीही टळली.

विशेष म्हणजे, आगीवर वेळीच नियंत्रण मिळवल्यामुळे विद्युत पुरवठा लवकर पूर्ववत झाला. त्यामुळे परिसरातील नागरिक व शेतकऱ्यांना मोठा दिलासा मिळाला. भोरे साहेबांच्या तत्परतेचे सर्वत्र कौतुक व अभिनंदन व्यक्त होत आहे.

दरम्यान, या घटनेबाबत प्रतिक्रिया देताना कराड उत्तरचे तालुकाप्रमुख श्री संजय भोसले यांनी सांगितले की,

“अशा जबाबदार व धाडसी अधिकाऱ्यांच्या पाठीशी कायमस्वरूपी उभी राहील. कोणताही प्रसंग असो, जनतेसाठी झटणाऱ्या अधिकाऱ्यांना आमचा पूर्ण पाठिंबा असेल.”

या घटनेने पोलीस प्रशासनातील कर्तव्यनिष्ठा व सामाजिक बांधिलकी पुन्हा एकदा अधोरेखित झाली असून, योग्य वेळी घेतलेल्या निर्णयामुळे मोठी अनर्थकारक दुर्घटना टळली असल्याची भावना नागरिक व्यक्त करत आहेत.