१०७ वा शिंपी वधू-वर परिचय मेळावा साताऱ्यात उत्साहात पार पडला
व्हिजन २४ तास न्यूज (संपादक :अहमद मुल्ला )
सातारा,(प्रतिनिधी )
महाराष्ट्र शिंपी समाजाच्या वतीने आयोजित १०७ वा वधू-वर परिचय मेळावा साताऱ्यात मोठ्या उत्साहात व शिस्तबद्ध वातावरणात संपन्न झाला. या विशेष उपक्रमाचे उद्घाटन सातारा जिल्हा नामदेव शिंपी समाज अध्यक्ष इंजि. सुनील पोरे, बाळ आंबेकर, नगरसेवक श्रीकांत आंबेकर, बाळासाहेब बाचल, सुधीर लंगडे, राधा बरटक्के व शेळके यांच्या प्रमुख उपस्थितीत दीपप्रज्वलन करून करण्यात आले.
या मेळाव्यास सातारा, सांगली, कोल्हापूर, रत्नागिरी, सोलापूर, पुणे, नाशिक, अहमदनगर आदी जिल्ह्यांतून शिंपी समाजबांधव मोठ्या संख्येने सहभागी झाले होते. समाजातील सुमारे २०० वधू-वरांची नोंदणी यावेळी झाली असून, त्यांच्या जुळवणीसाठी नियोजनबद्ध पद्धतीने संवाद सत्रे, माहिती पुस्तिकांचे वितरण व मार्गदर्शनपर सत्रांचे आयोजन करण्यात आले होते.
या उपक्रमामुळे समाजातील विवाहप्रक्रियेतील अडथळे दूर होऊन, तरुण-तरुणींना आपापसांत संवाद साधण्याची, एकमेकांना समजून घेण्याची आणि वास्तववादी अपेक्षांनुसार योग्य जोडीदार निवडण्याची संधी उपलब्ध होते, असे मत मान्यवरांनी व्यक्त केले.
